Rydyn ni’n falch iawn o’n gwaith yng Nghymru sydd wedi ennill gwobrau, ac i nodi Dydd Gŵyl Dewi rydyn ni’n rhannu rhai o’n prosiectau gorau yn y wlad hyfryd hon.
Rydyn ni wedi bod yn gweithio gyda Llywodraeth Cymru ar Ganllawiau Teithio Llesol, yn hyrwyddo cerdded a beicio gwell yng Nghymru ac rydyn ni’n rhan o weithgor o bartïon sydd â diddordeb yn y gwaith o ddatblygu Siarter Creu Lleoedd newydd i Gymru. Mae’r fenter, sy’n cael ei rhedeg gan Gomisiwn Dylunio Cymru, yn ceisio gwella ansawdd dylunio mewn datblygiadau newydd a hyrwyddo creu lleoedd.
Fe wnaeth ein Phil Jones ni helpu i greu hanes pan gefnogodd gweinidogion Cymru y cyfyngiad cyflymder cenedlaethol newydd o 20mya ym mis Gorffennaf 2020 yn unol â chyngor gan Grŵp Tasglu 20mya Cymru, a gadeiriwyd gan Phil. Ar yr un pryd, bu’n cadeirio Tasglu Parcio ar Balmentydd Cymru gan roi cyngor i Lywodraeth Cymru ar gryfhau gorfodaeth yn erbyn gyrwyr sy’n parcio ar balmentydd.
Bu ein peirianwyr yn gweithio ar gynllun arobryn yng Nglan Llyn. Mae hen waith dur Llanwern yn cael ei drawsnewid yn gymdogaeth newydd, gan ddarparu 4,000 o gartrefi newydd, ac mae’n un o’r safleoedd ailddatblygu tir llwyd mwyaf yn y DU. Enillodd y prosiect Wobr RTPI Cymru am Ragoriaeth ym maes Cynllunio yn 2020 ac mae wedi cyrraedd y rhestr fer ar gyfer Gwobrau Rhagoriaeth ym maes Cynllunio RTPI eleni.
Cawsom effaith gyda Choed Darcy, y datblygiad cyntaf erioed o burfa olew i’w defnyddio yn y pen preswyl. Bydd y rhaglen ddatblygu gyffrous yn arwain at adeiladu tua 2,500 o dai newydd a fydd yn darparu 30,000 o swyddi newydd yn yr ardal. Enillydd gwobr arall, y prosiect hwn oedd y Prosiect Adfywio Trefol Gorau. Fel rhan o’n gwasanaeth, fe wnaethon ni gynghori ar gloddio a thrin dros 600,000cu m o bridd ac adfer ac ailgylchu dros 1.5 miliwn litr o olew.
Mae ein tîm creu lleoedd, mewn partneriaeth â’r pensaer blaenllaw BDP, wrthi’n datblygu uwchgynlluniau ar gyfer Canol Dinas Abertawe a Chanol y Dref Pen-y-bont ar Ogwr i helpu i fframio datblygiad newydd a’r amgylchfyd cyhoeddus, ac ym Mangor, fe wnaethon ni weithio gyda LDA Design ar uwchgynllun i wneud y ddinas yn lle deniadol, llwyddiannus a chynaliadwy i bobl.
Mewn partneriaeth â Phrifysgol Abertawe, fe wnaeth ein tîm weithio gyda Sant Modwen i ddarparu canolfan ryngwladol o fri ar gyfer academia yng Nghampws y Bae, Abertawe. Mae’r hen safle storio petrolewm hwn yn cynnwys dros 1m troedfedd sgwâr o lety, ystafelloedd addysgu a gofod ymchwil ac academaidd o’r radd flaenaf ar gyfer dros 5,000 o fyfyrwyr a 1,000 o staff. Enillodd y prosiect hwn wobr hefyd, gan gipio Prosiect Adfywio’r Flwyddyn RICS Cymru a’r Wobr Rhagoriaeth Adeiladu ar gyfer yr Adeiladau Addysgol Gorau heb sôn mai dyma un o’r unig gampysau yn y DU sydd â mynediad uniongyrchol i’r traeth gyda’i phromenâd ei hun ar lan y môr!
Gan barhau â thema Abertawe, rydyn ni’n helpu i ddarparu tua 300 o gartrefi newydd, coetir a mannau gwyrdd agored yn Hendrefoilan, cyn safle llety myfyrwyr. Mae gennyn ni hefyd brofiad helaeth o gynnal asesiadau amgylcheddol mewn hen safleoedd diwydiannol ar draws Cymru, gan gynnwys hen Weithfeydd Cemegol Bae Baglan a Bae Angle yn Sir Benfro, y naill a’r llall yn dir diffaith rydyn ni’n helpu ei droi at ddefnydd buddiol.
Rydyn ni mor falch bod ein cyngor ar drafnidiaeth, peirianneg a chreu lleoedd yn cael effaith mor gadarnhaol ar hyd a lled y wlad. Cymru am byth!
I gael rhagor o wybodaeth am wasanaethau a phrosiectau PJA yng Nghymru, cysylltwch â: [email protected]
